"Ювентус" ҳужумчиси Душан Влахович сотувга қўйилди. Футболчининг туринликларнинг янги бош директори Дамьен Камьолли билан яқинда бўлиб ўтган учрашуви унчалик омадли кечмади - томонлар ҳеч нарса борасида келиша олишмади. Сербиялик футболчи маошини камайтиришдан бош тортди, шунинг учун "Ювентус" уни шу ёзда сотиб юборишга узил-кесил қарор қилди, деб ёзади журналист Жованни Альбанезе. 25 ёшли футболчи аллақачон сотувга қўйилган.

Душан Влаховичнинг амалдаги шартномаси бир йилдан сўнг ўз ниҳоясига етади. "Кекса синьора" раҳбарияти ҳужумчининг эркин агент мақомида кетишини истамаяпти, шу боис ёзда унга таклиф бўлишига умид қилмоқда.