"Yuventus" hujumchisi Dushan Vlaxovich sotuvga qo‘yildi. Futbolchining turinliklarning yangi bosh direktori Damyen Kamyolli bilan yaqinda bo‘lib o‘tgan uchrashuvi unchalik omadli kechmadi - tomonlar hech narsa borasida kelisha olishmadi. Serbiyalik futbolchi maoshini kamaytirishdan bosh tortdi, shuning uchun "Yuventus" uni shu yozda sotib yuborishga uzil-kesil qaror qildi, deb yozadi jurnalist Jovanni Albaneze. 25 yoshli futbolchi allaqachon sotuvga qo‘yilgan.

Dushan Vlaxovichning amaldagi shartnomasi bir yildan so‘ng o‘z nihoyasiga yetadi. "Keksa sinyora" rahbariyati hujumchining erkin agent maqomida ketishini istamayapti, shu bois yozda unga taklif bo‘lishiga umid qilmoqda.