"Бавария" клублар ўртасидаги жаҳон чемпионатидаги иштироки учун аллақачон 39,5 млн евро ишлаб олди, деб ёзади Bayern & Germany DPA'га таяниб.

Немис клуби аллақачон 1/8 финал йўлланмасини қўлга киритган, учинчи турда "Бенфика" устидан қозонилган ғалаба эса яна 1,74 млн евро келтириши мумкин.

Шунингдек, жамоа чорак финал (11,4 миллион), ярим финал (18,2 миллион), иккинчи ўрин (26 миллион), турнир ғолиблиги (34,7 миллион) каби ҳар бир босқичга йўлланма олгани учун қўшимча даромад олиши мумкин.

Умуман олганда, КЎЖЧ ғолиби 100 миллион евродан кўпроқ пулга эга бўлади.