ФИФА президенти Жанни Инфантино АҚШда футболнинг оммавийлиги ҳақида фикр билдирди. Унинг таъкидлашича, яқин йиллар ичида футбол Америкадаги энг машҳур спорт турига айланиши мумкин, бу эса ФИФАнинг устувор мақсадидир.
- Уч-тўрт, кўпи билан беш йилдан сўнг футбол энг юқори даражага кўтарилади. Лига эса дунёдаги энг зўр лигалардан бирига айланади. Бу аниқ, сабаби мен бу ерда бўламан, - деди Инфантино.
Бундан ташқари, ФИФА президенти АҚШ чемпионатида жамоалар даражасини кўтариш ва тушириш тизимини жорий этишни таклиф қилди.
Таъкидлаш жоизки, клублар ўртасидаги Жаҳон чемпионатининг энг кўп муҳокама қилинаётган мавзуларидан бири турнир ўйинларига томошабинлар ташрифи билан боғлиқ. Хусусан, Мисрнинг "Ал-Аҳли" ва "Интер Майами" жамоалари ўртасидаги КЎЖЧнинг биринчи ўйинига чипталар Майамидаги "Hard Rock" стадионини тўлдириш мақсадида атиги 4 долларга сотилган.
