FIFA prezidenti Janni Infantino AQSHda futbolning ommaviyligi haqida fikr bildirdi. Uning ta’kidlashicha, yaqin yillar ichida futbol Amerikadagi eng mashhur sport turiga aylanishi mumkin, bu esa FIFAning ustuvor maqsadidir.
- Uch-to‘rt, ko‘pi bilan besh yildan so‘ng futbol eng yuqori darajaga ko‘tariladi. Liga esa dunyodagi eng zo‘r ligalardan biriga aylanadi. Bu aniq, sababi men bu yerda bo‘laman, - dedi Infantino.
Bundan tashqari, FIFA prezidenti AQSH chempionatida jamoalar darajasini ko‘tarish va tushirish tizimini joriy etishni taklif qildi.
Ta’kidlash joizki, klublar o‘rtasidagi Jahon chempionatining eng ko‘p muhokama qilinayotgan mavzularidan biri turnir o‘yinlariga tomoshabinlar tashrifi bilan bog‘liq. Xususan, Misrning "Al-Ahli" va "Inter Mayami" jamoalari o‘rtasidagi KO‘JCHning birinchi o‘yiniga chiptalar Mayamidagi "Hard Rock" stadionini to‘ldirish maqsadida atigi 4 dollarga sotilgan.
