Мадриднинг "Реал" клуби ярим ҳимоячиси Жуд Беллингем клублар ўртасидаги жаҳон чемпионатининг "Пачука"га қарши ўйини 7-дақиқасида Рауль Асенсионинг четлатилгани ҳақида фикр билдирди.
Ҳакам испаниялик ҳимоячига сўнгги умид фоли учун тўғридан-тўғри қизил карточка кўрсатди. Қийин вазиятларга қарамай, "қаймоқранглилар" 3:1 ҳисобида ғалаба қозонишга муваффақ бўлишди.
"Асенсиога қизил карточка? Бунинг ҳеч қандай даҳшатли жойи йўқ. У ёш, бунақаси бўлиб туради. Биз буни яхши уддаладик," - дея Беллингемнинг ўйиндан кейинги интервьюсидан иқтибос келтиради DAZN.
