"Манчестер Сити"нинг янги аъзоси Райан Шерки жамоадаги илк голини нишонлади.
Франциялик футболчи клублар ўртасидаги жаҳон чемпионатида "Ал-Айн"га қарши ўйиннинг 73-дақиқасида захирадан майдонга тушди ва 89-дақиқада аниқ зарба йўллаб, якуний ҳисобни ўрнатди - 6:0. 21 ёшли футболчининг "шаҳарликлар" сафидаги дебют голи унинг трансферидан кейинги иккинчи ўйинига тўғри келди.
Райан Шерки клублар ўртасидаги жаҳон чемпионати бошланишидан олдин инглиз гранди томонидан "Лион"дан сотиб олинган. Трансфер қиймати 36,5 млн еврони ташкил этган.













