Мадриднинг "Реал" клуби бош мураббийи Хаби Алонсо марказий ҳимоячи Антонио Рюдигернинг ирқий камситилиши билан боғлиқ воқеага изоҳ берди.
"Пачука" футболчиларидан бири якшанба куни бўлиб ўтган клублар ўртасидаги жаҳон чемпионати ўйинида "қаймоқранглилар" марказий ҳимоячисига нисбатан ирқчилик билан муносабатда бўлгани айтилмоқда.
"Бу номақбул, биз Антониони қўллаб-қувватлаймиз. У бизга бу ҳақда ўйиндан кейин маълум қилди. Агар ҳақиқатан ҳам шундай бўлган бўлса, ФИФА тегишли чоралар кўриши керак. Тергов аллақачон олиб борилмоқда," - дея Алонсонинг сўзларини келтиради Madrid Universal.
