"Барселона" дарвозабони Марк-Андре тер Штегеннинг келажаги мавҳумлигича қолмоқда. Каталония клуби Жоан Гарсия учун 25 миллион евро сарфлади ва "кўк-анорранглилар" айнан шу дарвозабонга "биринчи рақам" сифатида эътибор қаратадигандек.
AS нашри тарқатган хабарга кўра "Барселона" бош мураббийи Ханс-Дитер Флик бу вазиятдан ўзини олиб қочмоқчи эмас. Флик июль ойида, мавсумолди ўйинлари бошланишига бир неча кун қолганда тер Штеген билан учрашиб, унга вазиятни тўғридан-тўғри тушунтириши кутилмоқда. Буёғи суҳбат якунига боғлиқ бўлади.
Аввалроқ тер Штеген "Барселона"да қолиши ҳақида гапирганди. Унинг шартномаси 2028 йилнинг ярмигача мўлжалланган.
