Бельгия терма жамоаси ва "Наполи" клуби марказий ҳужумчиси Ромелу Лукаку фаолиятини якунлашни режалаштирмаётганини маълум қилди. 32 ёшли футболчи Криштиану Роналду каби 40 ёшигача ўйнаш нияти борлигини маълум қилган.
"40 ёшгача ўйнаш? Мен шундай вариантни кўриб чиқяпман. Уйимда кўплаб тренажёрлар бор. Ҳозирча машқ қиляпман - ўйнашга тайёрман. Агар сизда иштиёқ ва яхши форма бўлса, узоқ вақт давомида ўйнашингиз мумкин. Ҳозир ўз ишимни давом эттиряпман," - дея ҳужумчининг сўзларини келтиради Sporza.













