Клублар ўртасидаги жаҳон чемпионати гуруҳ босқичи 2-туридан ўрин олган "Фламенго"га (1:3) қарши баҳсда ҳужумчи Николас Жексон қизил карточка олди. Журналист Жон Кросснинг ижтимоий тармоқларда ёзишича, Жексон қоидабузарлиги учун бир эмас, икки ўйинга дисквалификация олган.
Шу тариқа, Жексон нафақат "Эсперанс"га қарши ўйинни, балки назарий жиҳатдан 1/8 финал баҳсини ҳам ўтказиб юборади. Ҳужумчи чорак финалда таркибга қайтиши мумкин, агар "Челси" у ерга етиб бора олса.
Гуруҳдан 2-ўрин билан чиқиш учун "Челси" "Эсперанс"га ютқазмаса кифоя. "Челси" энди биринчи ўринни эгаллай олмайди.
