"Лион" молиявий ҳисоботларни бузгани учун Лига1'дан четлатилди ва Франция чемпионатларининг иккинчи дивизионига ўтказилди, дея хабар бермоқда RMC Sport.
Қарор Миллий маъмурий назорат департаменти йиғилишидан сўнг қабул қилинди. Қайд этилишича, "Лион"да апелляция бериш ҳуқуқи бор.
2024 йил ноябрь ойида DNCG клубга ўйинчиларни рўйхатдан ўтказишни тақиқлаш ва кейинги қишки трансфер ойнасигача маош фондини чеклаш каби санкцияларни қўллади.
Клуб 2024/25 йилги мавсумда 57 очко тўплаб, Лига-1 жадвалида 6-ўринни эгаллади. Кейинги мавсумда "Лион" Европа Лигасида иштирок этиш ҳуқуқини қўлга киритди.
"Лион" 7 марта Франция чемпиони бўлган.
