Франко Мастантуоно 18 ёшга тўлганида август ойида "Ривер Плейт"дан Мадриднинг "Реал" клубига ўтади. Трансфер "қаймоқранглилар"га 45 млн еврога тушади.
Футболчи ўзи учун қулай позицияни айтди.
"Мен ўзимни ярим ҳимоячидан кўра кўпроқ ҳужумкор футболчидек ҳис қиляпман. Ҳозир кўпроқ ўнгда ўйнаяпман, ҳужумдаги ролим бор. Менга ҳужумларни якунлаш ёқади.
Болалигимда "ўнлик" позициясида ҳаракат қилардим - ҳужум ва ярим ҳимоя ўртасида ўйнардим. Ҳозир бу позиция унчалик кенг тарқалмаган, чунки замонавий "ўнликлар" бошқа вазифани бажаради. Футболда жисмоният кўпайди ва майдондаги 11 футболчининг барчасида уларга амал қилиш керак бўлган тактик кўрсатмалар бор," - деди Мастантуоно DAZN билан суҳбатда.
