Миланнинг "Интер" клуби ўнг қанот ҳимоячиси Дензел Дюмфрис жамоа бош мураббийи Симоне Индзагининг клубни тарк этгани ҳақида фикр билдирди.
Мураббий Чемпионлар Лигаси финалида "ПСЖ"га 0:5 ҳисобида мағлуб бўлганидан бир неча кун ўтиб ўз лавозимини тарк этди. Италиялик мутахассис Саудия Арабистонининг "Ал-Ҳилол" клубини қабул қилиб олди.
"Мен Индзагининг кетиши ҳақидаги миш-мишлар финал олдидан бизни чалғитди, деб айтмаган бўлардим, биз ҳақиқатан ҳам турли хил гап-сўзларни эшитдик. Биз бу ҳақда эшитганмиз, лекин ўзаро муҳокама қилмаганмиз. Ишонтириб айтаманки, финал олдидан бутун хаёлим фақат ўйинда эди," - деди Дюмфрис La Gazzetta dello Sport нашрига берган интервьюсида.
