Неймар "Сантос" билан янги шартнома имзолагани ҳақида гапирди.
33 ёшли ҳужумчи клуб билан шартномасини жорий йилнинг декабрига қадар узайтирди. Унинг маоши ойига тахминан 700 минг еврони ташкил этиши айтилганди.
Неймар шу йилнинг январь ойи охирида "Сантос"га қайтди. Ўшандан бери у жамоа сафида барча турнирларда 12 та ўйин ўтказиб, 3 та гол урган.
"Мен қалбимга қулоқ солиб, қарор қабул қилдим. "Сантос" - бу шунчаки менинг жамоам эмас, бу менинг уйим, тарихим ва ҳаётим.
Бу ерда мен бола эдим ва эркак бўлдим. Бу ерда мени чинакамига яхши кўришади. Бу ерда мен ўзим бўла оламан ва чинакам бахтли бўламан.
Айнан шу ерда мен ҳали амалга ошмаган орзуларимни рўёбга чиқармоқчиман. Ва мени ҳеч нарса тўхтата олмайди. Кетдим, қайтиб келдим ва қоламан. Ҳаммаси бошланган ва ҳеч қачон тугамайдиган жойда," - деди Неймар.
