"Милан" Ардон Яшари бўйича таклифни яхшилайди.
Аввалроқ, Италия клуби 22 ёшли ярим ҳимоячининг трансфери учун "Брюгге"га 27 миллион евро ва яна 3 миллион бонус таклиф қилгани ҳақида хабарлар тарқалган эди.
Журналист Маттео Мореттонинг маълум қилишича, "россонерилар" янги таклиф тайёрламоқда ва бонус қисмини 5 млн еврогача оширишга тайёр. Бельгияликлар 35 миллион еврони қатъий сумма сифатида, шунингдек, бонуслар олишни истамоқда.
Ўтган мавсумда Ардон Яшари барча мусобақаларда 52 та ўйинда майдонга тушиб, 4 та гол урди ва 6 та голли узатмани амалга оширди.
