"Реал" ярим ҳимоячиси Арда Гюлер янги бош мураббий Хаби Алонсо қўл остида жамоанинг ўйин услуби ўзгариб бораётгани ҳақида гапирди.
"Албатта, биринчи ўйиндан кейин ("Ал-Ҳилол"га қарши, 1:1) ғалаба қозонишни хоҳлаганимиз учун ҳафсаламиз пир бўлди. Лекин биз янги ўйин услубига кўникишимиз учун вақт кераклигини биламиз. Хаби айтганидек, клублар ўртасидаги жаҳон чемпионати якунига қадар биз ҳозиргидан кучлироқ бўламиз", - дея Гюлер сўзларини келтиради Madrid Xtra.
"Реал" иккинчи турда "Пачука"ни мағлуб этди (3:1), гуруҳнинг сўнгги баҳсида "Ред Булл Зальцбург" билан куч синашади.
