"Барселона"нинг собиқ футболчиси Нолито 17 ёшли вингер Ламин Ямални танқид қилди. Унга ёш футболчининг Миллатлар лигаси доирасидаги Испания ва Франция терма жамоалари ўртасидаги ўйиндан (5:4) кейин ўтказилган матбуот анжуманида қалпоқча билан қатнашгани ёқмади.

"Агар мен унинг отасининг ўрнида бўлсам, унинг қулоғига қалпоқ билан урган бўлардим. Менга бу хатти-ҳаракати ёқмайди. У "Барселона"дек йирик клуб вакили", - дейди Нолито.

2024/2025 йилги мавсумда Ламин "Барселона"нинг 55 та учрашувида қатнашиб, 18 та гол урди ва 25 та голли узатмани амалга оширди.