Мадриднинг "Реал" клубига янги қўшилган Дин Хёйсен янги бош мураббий Хаби Алонсо тизимида муҳим фигурага айланди.
20 ёшли марказий ҳимоячи клублар ўртасидаги жаҳон чемпионатининг дастлабки икки ўйинида "қаймоқранглилар"нинг асосий таркибида майдонга тушди ва иккала ўйинда ҳам ўйин охиригача ўйнади. Marca нашрининг таъкидлашича, Алонсо аллақачон Хёйсенни ҳужумни бошлашдаги ноёб қобилияти ва босим остида тўп билан қарор қабул қилишдаги ўйини туфайли жамоанинг асосий фигураси деб билади.
Дин Хёйсен "Реал"га июнь ойи бошида Англиянинг "Борнмут" клубидан 62,5 млн евро эвазига ўтганди.













