Аргентинанинг "Ривер Плейт" клуби ярим ҳимоячиси Франко Мастантуоно Мадриднинг "Реал" клубига ўтиши ҳақида гапирди.

"Мен учун бундай клубда ўйнаш орзу. "Реал" - жаҳон футболидаги энг катта клуб. Ҳар қандай ўйинчи унда бўлишни хоҳлайди. Менга Хаби Алонсонинг ўзини тутиши ёқди. Мен ундан миннатдорман. У билан суҳбат менга катта таъсир кўрсатди. Унинг нутқи мени фаолиятимдаги кейинги қадамга ундади," - дея 17 ёшли аргентиналикнинг сўзларини келтиради AS.

Мастантуоно клублар ўртасидаги жаҳон чемпионати - 2025дан кейин "қироллик клуби" сафига бориб қўшилади. Ярим ҳимоячининг трансфери "қаймоқранглилар"га 45 миллион еврога тушди.