Россиялик дарвозабон Матвей Сафонов жорий трансфер ойнасида Франциянинг "ПСЖ" клубини тарк этиши мумкин. Париж клуби италиялик Жанлуижи Доннарумма билан музокаралар якунланмагунча россиялик борасида якуний қарор қабул қилмайди.
"Россиялик дарвозабонни сотиш ва ижарага бериш вариантлари кўриб чиқилмоқда. Якуний қарор Доннарумма билан музокараларга боғлиқ", - дея хабар беради Спорт24 манбаси.
Россиялик 26 ёшли дарвозабон ўтган ёзда "Краснодар"дан кўчиб ўтиб, парижлик грандлар сафига қўшилган эди. "ПСЖ" раҳбарияти Сафоновнинг трансфери учун "буқалар"га 20 миллион евро тўлаган. Матвейнинг парижликлар билан меҳнат шартномаси 2029 йилнинг ўрталарига қадар тузилган.
