Дарвозабон Кепа Аррисабалага "Челси"дан "Арсенал"га ўтади.
Нуфузли инсайдер Фабрицио Романо ижтимоий тармоқларда “канонирлар” Кепани 5 миллион фунт стерлингга (тахминан 5,86 миллион евро) сотиб олаётгани ҳақида хабар берди.
Клублар ўртасидаги ҳужжатлар аллақачон расмийлаштирилган. Очиғи, Кепа "Арсенал" таркибида заҳира бўлади.
Микель Артета жамоасининг асосий дарвозабони Давид Рая ҳисобланади. Айтганча, 30 ёшли Кепа ўтган мавсумда ижара асосида "Борнмут" шарафини ҳимоя қилганди. "Гилослар" таркибида дарвозабон 35 та ўйин ўтказиб, 43 та гол ўтказиб юборган.
