"Милан" Самуэль Риччи трансферига яқин турибди.
"Россонерилар" "Торино" билан музокараларнинг янги босқичини ўтказди ва 23 ёшли ярим ҳимоячининг трансфери бўйича келишувга эришишга яқин турибди, деб хабар бермоқда журналистлар Жанлука Ди Марцио ва Маттео Моретто.
Италиялик футболчи учун миланликлар 22 миллион евро ва яна 3 миллион евро бонус сифатида тўлаши мумкин. Томонлар охирги тафсилотларни ҳал қилишлари керак эди.
А Сериянинг ўтган мавсумида Риччи 34 та ўйинда майдонга тушиб, 1 та гол ва 1 та голли узатмага муаллифлик қилди.
