Матбуотда "Атлетик" ўз сафида вингер Нико Уильямсни сақлаб қолиш мақсадида "Барселона"дан молиявий аудит ўтказишни талаб қилмоқчи экани ҳақида хабарлар тарқалди. Бу борада Каталония клуби президенти Жоан Лапорта изоҳ берди.
"Атлетик" нима учун Ла Лига билан "Барселона" ҳақида гаплашмоқчи эканини тушунмаяпман. Менимча, бу ўринли эмас, аммо бу уларнинг муаммоси," - дея Лапортанинг сўзларини келтиради Barca Universal.
Нико Уильямс, матбуот маълумотларига кўра, "Барселона"га ўтишни истамоқда.
22 ёшли футболчининг "Атлетик" билан амалдаги шартномасида 58 миллион евродан 60 миллион еврогача сотиб олиш имконияти кўрсатилган (бу ҳақдаги маълумотлар турлича).
