Ўтмишда машҳур бўлган португалиялик футболчи Луиш Фигу Килиан Мбаппе бу йил ҳам "Олтин тўп"ни қўлга кирита оладими, деган саволга жавоб берди. Мбаппе 31 та гол билан Испания Ла Лигасининг энг яхши тўпурари бўлди. Килиан дебют мавсумида "Реал" сафида 56 та ўйинда 43 та гол урган.
"Аввалига ҳаммаси унчалик зўр бўлмади, аммо кейин Мбаппе муваффақиятга эришди. У кўп гол урди ва "Реал"да ўйнашга мослашди, бу бошқа ҳар қандай жамоада ўйнашдан бутунлай фарқ қилади. Жамоалар билан йирик титулларнинг йўқлиги Мбаппени индивидуал совринлардан маҳрум қилиши мумкин. Лекин нима бўлишини кўрамиз. Мбаппенинг номи ҳар доим дунёнинг энг яхши ўйинчилари рўйхатида бўлади - бунга ҳеч қандай шубҳа йўқ," - дея Фигунинг сўзларини келтиради AS.
