Мадриднинг "Реал" клуби бош мураббийи Хаби Алонсо мураббийлик фаолияти ҳақида ўз фикрлари билан ўртоқлашди.
Испаниялик мутахассис 2017 йилда футболчилик фаолиятини якунлаган, шундан сўнг у мураббийлик фаолиятини бошлаган. Мутахассис "Байер"да мураббий сифатида ўзини яхши кўрсатди ва "Реал"га таклиф қилинди.
"Мураббий бўлиш - стрессли иш, аммо тажрибадан завқ олишга ҳаракат қиламан. Менга ишим жуда ёқади, гарчи футболдаги энг яхши нарса футболчи бўлиш бўлса ҳам", - деди Алонсо "Зальцбург" жамоасига қарши клублар ўртасидаги жаҳон чемпионати арафасида ўтказилган матбуот анжуманида.
Хаби Алонсо июнь ойи бошида Бразилия терма жамоасига кетган Карло Анчелотти ўрнини эгаллади.
