Суперлига 14-туридан ўрин олган "Бунёдкор" — "Сўғдиёна" учрашуви 29-июнь куни "Бунёдкор" стадионида ўтказилиши лозим эди.
17-июнь куни ЎФА Лигага хат йўллаб, "Бунёдкор" стадионида аёллар ўртасида Осиё кубогининг саралаш учрашувлари ўтказилишини, шундан келиб чиқиб, Суперлига ўйинини бошқа стадионга кўчиришни сўради. Ўз навбатида "Бунёдкор" ЎФА билан келишган ҳолда "Сўғдиёна" билан учрашувни "Дўстлик" стадионига ўтказишга қарор қилди. "Бунёдкор" аренада эса Ўзбекистон, Непал, Лаос, Шри Ланка аёллари ўйнайди.
Маълумот учун, Суперлига ва Пролига регламентига кўра, расмий учрашув ўтказиладиган стадион беллашув стартига 20 кун қолганида аниқ бўлиши лозим. Бироқ мазкур ўзгариш сабабчиси "Бунёдкор" эмаслигидан келиб чиқиб, Суперлига ўйини мезбонлик билан боғлиқ барча талабларни тўлиқ бажариш шартида бошқа стадионга кўчирилди.
