"Манчестер Сити" бош мураббийи Хосеп Гвардиола клублар ўртасидаги жаҳон чемпионати гуруҳ босқичи 3-туридан ўрин олган "Ювентус"га (5:2) қарши ўйиндан сўнг ярим ҳимоячи Родрининг асосий таркибга қайтиши ҳақида фикр билдирди.

"Родри эртами-кечми асосий таркибда майдонга тушиши керак эди. "Хўп, 45 дақиқа," десам, танаффусда яна 5-10 дақиқа ўйнамоқчи эканини айтди. Ўйин назорат остида эди. Сўнгги бир неча ўйинда ҳимоядан ҳужумга ўтишда хато қилдик, аммо бу сафар бундай бўлмади. Родрининг қанчалик муҳимлигини ҳамма билади. У дунёнинг энг яхши ўйинчиларидан бири," - дея Гвардиоланинг сўзларини келтиради Independent.