"Manchester Siti" bosh murabbiyi Xosep Gvardiola klublar o‘rtasidagi jahon chempionati guruh bosqichi 3-turidan o‘rin olgan "Yuventus"ga (5:2) qarshi o‘yindan so‘ng yarim himoyachi Rodrining asosiy tarkibga qaytishi haqida fikr bildirdi.
"Rodri ertami-kechmi asosiy tarkibda maydonga tushishi kerak edi. "Xo‘p, 45 daqiqa," desam, tanaffusda yana 5-10 daqiqa o‘ynamoqchi ekanini aytdi. O‘yin nazorat ostida edi. So‘nggi bir necha o‘yinda himoyadan hujumga o‘tishda xato qildik, ammo bu safar bunday bo‘lmadi. Rodrining qanchalik muhimligini hamma biladi. U dunyoning eng yaxshi o‘yinchilaridan biri," - deya Gvardiolaning so‘zlarini keltiradi Independent.
