Лондоннинг “Арсенал” клуби “Валенсия” марказий ҳимоячиси Кристиан Москеранинг трансфери борасида музокаралар олиб бормоқда.
Инсайдер Фабрицио Романо хабарига кўра, 20 ёшли испаниялик инглиз клубига ўтишга розилик берган. Манбага кўра, томонлар музокараларнинг дастлабки босқичида. Футболчига "ПСЖ" ҳам қизиқиш билдирган, аммо "Арсенал" ҳозирда Москера учун устувор вариант сифатида қаралмоқда.
Ўтган мавсумда Кристиан Москера "Валенсия" сафида барча мусобақаларда 41та ўйин ўтказиб, битта гол урган.













