Англия терма жамоасининг собиқ ҳужумчиси ва "Плимут"нинг собиқ мураббийи Уэйн Руни Шимолий Миллий лига клубида мураббийлик фаолиятини давом эттириш таклифини олди.
The Sun хабарига кўра, 39 ёшли мутахассисни "Максфилд" бош мураббийи сифатида кўришмоқда. Жамоанинг амалдаги устози Роберт Сэвидж тез орада клубни тарк этиб, юқори дивизионда янги лавозимга кўтарилиши мумкин ва "Максфилд" раҳбарияти Рунини ўринбосар учун устувор номзод сифатида кўрмоқда.
"Плимут"даги муваффақиятсиз босқичдан сўнг, у 2024 йил декабрь ойидан буён клубларда ишламади. Бу вақт давомида у телешарҳловчи ва футбол эксперти сифатида пайдо бўлди ва мураббийлик фаолиятига қайтиш истагини яширмади.
