Мадриднинг "Атлетико" клуби ёзги мавсумлар оралиғида таркибни фаол кучайтиришда давом этмоқда: "матрасчилар"нинг навбатдаги янги аъзоси Алекс Баэна бўлади.
Журналист Фабрицио Романога маълум бўлишича, клуб "Вильярреал" билан 23 ёшли испаниялик футболчининг трансфери борасида келишиб олган. Битимнинг умумий қиймати 50 миллион еврони ташкил этади - 45 миллиони қатъий белгиланган ва яна беш миллиони бонуслар кўринишида кўзда тутилган.
Баэна Испания чемпионатининг ўтган мавсумида 32 та ўйинда майдонга тушиб, рақиблар дарвозасини 7 маротаба ишғол қилди ва шерикларига 9 та голли узатмани амалга оширди.
