Madridning "Atletiko" klubi yozgi mavsumlar oralig‘ida tarkibni faol kuchaytirishda davom etmoqda: "matraschilar"ning navbatdagi yangi a’zosi Aleks Baena bo‘ladi.
Jurnalist Fabrisio Romanoga ma’lum bo‘lishicha, klub "Vilyarreal" bilan 23 yoshli ispaniyalik futbolchining transferi borasida kelishib olgan. Bitimning umumiy qiymati 50 million yevroni tashkil etadi - 45 millioni qat’iy belgilangan va yana besh millioni bonuslar ko‘rinishida ko‘zda tutilgan.
Baena Ispaniya chempionatining o‘tgan mavsumida 32 ta o‘yinda maydonga tushib, raqiblar darvozasini 7 marotaba ishg‘ol qildi va sheriklariga 9 ta golli uzatmani amalga oshirdi.
