Юрген Клопп яқин орада мураббийлик фаолиятини тиклашни режалаштирмаяпти.
"Яқинда кимдир менга: "Сен тез орада яна мураббийлик ишига қайтсанг керак," деди. Ички сезгим шуни айтяпти: йўқ," - дейди "Ливерпуль" собиқ бош мураббийи Welt нашрига берган интервьюсида.
"Ливерпуль"да ажойиб вақт ўтказдик, аммо у тугади. Менда ёрқин хотиралар қолди ва уларнинг 99 фоизи гўзал.
Мен ҳеч нарсани соғинмайман. Менга мураббий бўлиш ёқарди, лекин ҳеч қачон бунга боғланиб қолмаганман," - дея қўшимча қилди германиялик мутахассис.
Айни пайтда "Майнц" ва "Боруссия" Дортмунд клубларини ҳам бошқарган Клопп "Ред Булл" компаниясида футбол йўналиши раҳбари лавозимида ишламоқда.
