Олий Лиганинг жорий мавсуми 11-туридан ўрин олган «Гулистон»га қарши учрашувда Тошкентнинг «Локомотив» клуби 5:1 ҳисобида ғалаба қозонди, жамоа ҳужумчиси Фарҳод Тожиев эса хет-трикни расмийлаштириб, мусобақа тўпурарлари пойгасида яна пешқадам бўлиб олди.

Тожиевнинг тўпурарлар пойгасидаги энг асосий рақиби –Александр Пишчур ҳам ушбу турда ўзини кўрсатишга муваффақ бўлди. «Бунёдкор»нинг украиналик ҳужумчиси «Металлург» дарвозасига битта гол урди (учрашув 3:0 ҳисобида тошкентликлар ғалабаси билан якунига етган) ва 11-турдан сўнг 10та гол билан тўпурарлар баҳсида иккинчи ўринда бормоқда.

Эътиборли томони, Фарҳод Тожиев жорий чемпионатдаги атиги иккинчи хет-трик муаллифига айланди. Бунгача мусобақа 1-турида «Сўғдиёна»га қарши учрашувда айнан «Бунёдкор» ҳужумчиси Александр Пишчургина рақиб дарвозасига учта гол уришга муваффақ бўлганди.

Олий Лига-2013 тўпурарлари (11-турдан сўнг)
Фарҳод Тожиев («Локомотив») – 15
Александр Пишчур («Бунёдкор») – 10
Илҳом Шомуродов («Насаф») – 6
Евгений Гоголь («Олмалиқ») – 5
Воҳид Шодиев («Бухоро») – 5
Дилмурод Каримов («Металлург») – 5
Рўзимбой Аҳмедов («Навбаҳор») – 5