"Рома" ҳужумчиси Тэмми Абрахам учун "Зенит"га жиддий рақобатчи бўлган клуб маълум бўлди.
"Жалоросси" ва футболчининг ўзи Туркиянинг "Бешиктош" клуби билан фаол музокаралар олиб бормоқда.
"Goal" нашрининг хабар беришича, гап истанбулликлар форвардни сотиб олиш ҳуқуқи билан ижарага олишлари ҳақида кетмоқда.
Ягона тўсиқ Абрахамнинг асосий таркибдан жой кафолатини олиш истаги бўлса-да, "Бешиктош" бунга рози бўлмаяпти.
Аввалроқ, "Зенит" 27 ёшли англиялик футболчи учун 20 млн евро беришга тайёрлиги ҳақида хабарлар тарқалган эди.













