Клублар ўртасидаги жаҳон чемпионати мунтазам танқид қилинса-да, италиялик собиқ ҳужумчи Алессандро Дель Пьеро ўзини ҳозирда илк бор янги форматда ўтказилаётган ушбу мусобақанинг мухлиси деб билади. Дель Пьеро, айниқса, ўз жамоаларини қўллаб-қувватлаётган мухлисларни мақтади.
"Бу улар учун ақл бовар қилмайдиган иштиёқ, ўйиннинг ажралмас қисми. Ўз навбатида футболчилар ҳам турнир мақомидан қатъи назар, доимо ғалаба қозонишга ҳаракат қилишади. Атмосферанинг ўзи ёрқин ранглар, қўшиқлар билан кўп нарсани англатади", - дейди Дель Пьеро.
Дель Пьеро фаолиятини 2015 йилда якунлаган.
