"Ювентус" ярим ҳимоячиси Дуглас Луис ҳамон Англия Премьер-лигаси вакилларига қизиқ.
Бразилиялик футболчи Турин клубига ўтган йилнинг ёзида "Астон Вилла"дан кўчиб ўтганди - трансфер қиймати 50 млн евродан ошганди. Италияда футболчи ўзини кўрсата олмади, шунинг учун у тез орада кетиши мумкин.
Журналист Николо Скиранинг ёзишича, 27 ёшли футболчи ҳақида "Манчестер Юнайтед," "Ноттингем Форест," "Фулхэм" ва "Лидс" клублари маълумот сўраган. Катта эҳтимол билан "Ювентус" ушбу хавбекни сотиб олиш имконияти билан ижарага қўйиб юборади.
Дуглас Луиснинг айни дамдаги нархи Transfermarkt портали томонидан 30 млн еврога баҳоланмоқда.
