"Барселона"нинг собиқ футболчиси Христо Стоичков "Челси" бош мураббийи Энцо Марескининг шикоятларига муносабат билдирди.
Куни кеча клублар ўртасидаги жаҳон чемпионати 1/8 финалидан ўрин олган "Бенфика"га қарши ўйин момақалдироқ туфайли 2 соатга тўхтатилди. Ўйин якунлангач, Мареска ҳакамнинг ўйинни узоқ вақтга тўхтатиш қарорини қаттиқ танқид қилди.
"Кеча Мареска клублар ўртасидаги жаҳон чемпионатида ёмғирдан шикоят қилди. Лекин нима ҳам қила олардик? Инфантинода ёмғирни ўчирадиган пульт бўлиши керакми? Сўнгги пайтларда улар ҳамма нарсадан шикоят қилишмоқда," - дея ФИФАда ишлайдиган Стоичковнинг сўзларини келтиради The Touchline.













