"Барселона" ва Болгария терма жамоасининг машҳур собиқ ҳужумчиси Христо Стоичков замонавий футболчиларнинг ўйинлар тақвимидан шикоятлари ҳақида гапирди.
Сўнгги йилларда жамоа футболчилари ва мураббийлари ўйинлар тақвимининг тиғизлигидан норозилик билдиришмоқда.
"Менинг давримда бир ўйинда атиги иккита ўзгариш қилиш мумкин эди. Ҳозир беш кишини алмаштиришга рухсат берилади - бу жамоанинг ярми. Қўшимча вақтда яна бир алмаштириш пайдо бўлади. Аммо ҳозирги футболчилар барибир тақвимдан шикоят қилишмоқда ва мен буни адолатсиз деб ҳисоблайман," - дея Стоичковнинг сўзларини келтиради The Touchline.
