"Бавария" ҳужумчиси Харри Кейн жамоасининг навбатдаги рақиби - "ПСЖ" ҳақида қандай фикрда эканини айтди.
Якшанба куни парижликлар клублар ўртасидаги жаҳон чемпионати 1/8 финалида "Интер Майами"ни (4:0) тор-мор этган бўлса, кейинроқ мюнхенликлар "Фламенго"ни (4:2) мағлуб этди.
"Олдинда яна бир мураккаб ўйин бор. "ПСЖ" ажойиб мавсум ўтказди, аммо биз улар билан мавсум бошида тўқнаш келганимизда ғалаба қозонгандик. Қийин бўлади, лекин биз ўз даражамизни кўрсатганимизда ҳар қандай клубни мағлуб этишга қодир эканлигимизни биламиз. Ҳозир тикланамиз, кейин эса боримизни берамиз," - деди "Фламенго" билан ўйиннинг энг яхши футболчиси деб топилган Кейн DAZN билан суҳбатда.
