"Bavariya" hujumchisi Xarri Keyn jamoasining navbatdagi raqibi - "PSJ" haqida qanday fikrda ekanini aytdi.
Yakshanba kuni parijliklar klublar o‘rtasidagi jahon chempionati 1/8 finalida "Inter Mayami"ni (4:0) tor-mor etgan bo‘lsa, keyinroq myunxenliklar "Flamengo"ni (4:2) mag‘lub etdi.
"Oldinda yana bir murakkab o‘yin bor. "PSJ" ajoyib mavsum o‘tkazdi, ammo biz ular bilan mavsum boshida to‘qnash kelganimizda g‘alaba qozongandik. Qiyin bo‘ladi, lekin biz o‘z darajamizni ko‘rsatganimizda har qanday klubni mag‘lub etishga qodir ekanligimizni bilamiz. Hozir tiklanamiz, keyin esa borimizni beramiz," - dedi "Flamengo" bilan o‘yinning eng yaxshi futbolchisi deb topilgan Keyn DAZN bilan suhbatda.













