"Барселона" бош мураббийи Ханс-Дитер Флик Дани Ольмонинг майдондаги ролини кучайтириш устида ишламоқда, дея хабар берди Sport.es.
Манбага кўра, Нико Уильямс чап қанотга келгач, Рафинья ҳужумкор ярим ҳимояга сурилиши мумкин. Бу ҳолатда баъзи ўйинларда Ольмо Роберт Левандовски ўрнига "ёлғон тўққизлик" ролида майдонга тушиши кутилмоқда.
Бу позиция Дани Ольмо учун янги эмас. У аввалроқ Испания Кубоги доирасидаги "Реал Бетис"га қарши ўйинда ҳам "сохта тўққизлик" сифатида ўйнаган ва ўша баҳсда "Барcелона" 5:1 ҳисобида ғалаба қозонган, Ольмо эса икки бор жамоадошларининг гол уришига ҳисса қўшган, яъни икки бор ассист қайд этган.
