Франциянинг "ПСЖ" клуби ярим ҳимоячиси Жоау Невеш клублар ўртасидаги жаҳон чемпионати 1/8 финалидан ўрин олган "Интер Майами" клубига қарши ўйин ҳақида фикр билдирди. Учрашув 4:0 ҳисобида якунланди.
"Ўйлашимча, биз жуда яхши ўйин ўтказдик. 4:0 ҳисобида олдинга чиқиб олганимизда ҳам тўхтамадик, ўз ўйинимизни намойиш этишда давом этдик. Бу биз учун ижобий кун бўлди. Бу биринчи марта бир ўйинда иккита гол уришим, шунинг учун жуда хурсандман. Бироқ, ғалаба қозонганимдан янада хурсандман. Бизга ким қарши чиқишидан қатъи назар, ўз ўйинимизни ўйнаймиз, шунинг учун ўзимизга ишонамиз ва бахтлимиз," - дея Невешнинг сўзларини келтиради ФИФА расмий сайти.
