Жанубий Кореянинг Инчеон шаҳрида старт олган ёпиқ иншоотлардаги IV Осиё ўйинларида ўз иштирокини бошлаган Ўзбекистон аёллар футзал терма жамоаси «В» гуруҳи 1-тур ўйинида Япония футзал терма жамоасига йирик ҳисобда мағлуб бўлди.

Ҳар икки бўлимда катта устунликка эришган япониялик футзалчи қизлар Ўзбекистон терма жамоаси дарвозасини жавобсиз 8 маротаба ишғол этишди. Ўзбекистон аёллар футзал терма жамоаси мусобақанинг иккинчи турида 28 июнь куни Индонезия аёллар терма жамоасига қарши майдонга тушади. Маълумот ўрнида, эркаклар ўртасидаги футзал мусобақалари ҳам 26 июнь куни старт олади. Унда иштирок этаётган Ўзбекистон футзал терма жамоаси 27 июнь куни 1-тур доирасида Афғонистон футзал терма жамоасига қарши майдонга тушади.

Ёпиқ иншоотлардаги IV Осиё ўйинлари. Футзал.
В гуруҳи. 1-тур. 26 июнь.
Япония - Ўзбекистон 8:0
Ўзбекистон футзал терма жамоаси таркиби: Олия Акрамова, Ойгулхон Якубова, Мария Собирова, Саида Галимова, Елена Лагуткина (старт)
Заҳира: Гулшаной Жалолова, Зиёда Туланбоева, Рушания Сафина, Мавлуда Мунавварова, Ирода Турдиалиева, Екатерина Сальникова, Нодира Жумаева