Лондоннинг “Челси” клуби сўнгги 10 йил ичида ўйинчиларни сотишдан тушган фойда бўйича биринчи ўринни эгаллади.
Бу ҳақда Transfermarkt хабар бермоқда.
Манбага кўра, "кўклар" трансферлар бўйича 1 миллиард 440 миллион евро ишлаб топган. Иккинчи ўринда 922 миллион билан "Манчестер Сити", учинчи ўринда 690 миллион олган "Ливерпуль" бор.
Шунингдек, кучли ўнталикка “Эвертон” (636 миллион), “Астон Вилла” (622), “Саутгемптон” (610), “Лестер” (602), “Тоттенхэм” (576), “Манчестер Юнайтед” (545) ва “Вулверхэмптон” (531) ҳам кирган.
