"Реал Мадрид"да отаси Карло Анчелоттига ёрдамчи бўлиб ишлаган Давиде Анчелотти клубдаги бутун даврининг энг ёмон дамларини айтди. 35 ёшли италиялик худди отаси каби 2021 йилнинг ёзидан жорий йилнинг майигача "Лос-Бланкос" мураббийлар штабида ишлаган.
"Реал Мадриддаги энг ёмон лаҳза? Менимча, Хавининг "Барселона"даги биринчи йилидаги Эл Класикодаги 0:4 ҳисобидаги мағлубият. Мен учун бу энг ёмон лаҳза, гарчи мавсум яхши ўтган бўлса ҳам. Ўша кунги туйғулар жуда ёқимсиз эди", - деди Давиде.
Июнь ойида кичик Анчелотти Бразилия терма жамоасида иш бошлади ва у яна Карлонинг ёрдамчиси бўлди.
