«Қўқон-1912» - «Динамо» (2:3) учрашувида гол уриб самарқандликлар ғалабасига катта ҳисса қўшган Салим Мустафоев биринчи бўлим якунида жароҳат олиб майдонни тарк этганди.
Тиббий текширувлардан кейин «Динамо» жамоаси сардорининг чап оёқ пайлари ёрилгани ойдинлашди ва у бир неча ойга сафдан чиққани аниқ бўлди.
Салим Мустафоев куни кеча Самарқанддан Истанбулга жўнаб кетди. "Шерлар" сардори бугун, 1 июль куни Туркияда чап оёғидан жарроҳлик амалиётини ўтказади.
«Динамо» жамоаси сардори ва етакчисига тезроқ соғайиб, сафга қайтишини тилаб қоламиз!
