«Qo‘qon-1912» - «Dinamo» (2:3) uchrashuvida gol urib samarqandliklar g‘alabasiga katta hissa qo‘shgan Salim Mustafoyev birinchi bo‘lim yakunida jarohat olib maydonni tark etgandi.
Tibbiy tekshiruvlardan keyin «Dinamo» jamoasi sardorining chap oyoq paylari yorilgani oydinlashdi va u bir necha oyga safdan chiqqani aniq bo‘ldi.
Salim Mustafoyev kuni kecha Samarqanddan Istanbulga jo‘nab ketdi. "Sherlar" sardori bugun, 1 iyul kuni Turkiyada chap oyog‘idan jarrohlik amaliyotini o‘tkazadi.
«Dinamo» jamoasi sardori va yetakchisiga tezroq sog‘ayib, safga qaytishini tilab qolamiz!
