Манчестер Сити" мухлислари клублар ўртасидаги жаҳон чемпионати 1/8 финалидан ўрин олган Саудия Арабистонининг "Ал-Ҳилол" клубига қарши баҳсда жамоа дарвозабони Эдерсоннинг ўйинидан норози бўлишди. "Шаҳарликлар" 3:4 ҳисобида мағлубиятга учради ва АҚШда ўтаётган турнирни тарк этди.
Эдерсоннинг ўйини ҳақидаги салбий шарҳлар Sportbible томонидан келтирилган:
"Эдерсон треблни қўлга киритганидан бери зарбаларни қайтаришга уринмаяпти";
"Наҳотки уни чиндан ҳам Алиссон билан солиштиришган бўлса? Бунга ишонгим келмайди.
"Уят. Эдерсон ўйинда бирорта ҳам сейв амалга оширмади. У ҳатто ҳаракат ҳам қилмади."
Бразилиялик футболчи инглиз клубида 2017 йилдан буён тўп тепиб келмоқда. Томонлар ўртасидаги шартнома муддати 2026 йилнинг ёзида тугайди.
